TNEA Engineering Rank List 2026: பொறியியல் தரவரிசைப் பட்டியல் வெளியீடு! பார்ப்பது எப்படி?
தமிழகத்தில் 2026-ஆம் ஆண்டிற்கா 11ன இளநிலை பொறியியல் படிப்புகளுக்கான (B.E / B.Tech) அரசு ஒதுக்கீட்டு இடங்களை நிரப்புவதற்கான அதிகாரப்பூர்வ தரவரிசைப் பட்டியலை (Rank List) உயர் கல்வித் துறை அமைச்சர் பெ. விஸ்வநாதன் அவர்கள் இன்று வெளியிட்டுள்ளார்.
சென்னை கிண்டியில் உள்ள தொழில்நுட்ப கல்வி இயக்குநரக அலுவலகத்தில் இந்தத் தரவரிசைப் பட்டியல் வெளியிடப்பட்டது. இந்த ஆண்டு சிபிஎஸ்இ (CBSE) பிளஸ் 2 மறுமதிப்பீட்டு முடிவுகள் தாமதமானதால், இந்தத் தரவரிசைப் பட்டியல் இன்று வெளியாகியுள்ளது.
TNEA 2026 தரவரிசைப் பட்டியல் முக்கிய விவரங்கள்:
மொத்த விண்ணப்பங்கள்: பொறியியல் சேர்க்கைக்கு மொத்தம் 3.02 லட்சம் மாணவர்கள் விண்ணப்பித்த நிலையில், 2.5 லட்சம் பேர் பதிவுக் கட்டணம் செலுத்தியிருந்தனர்.
தரவரிசை பெற்றவர்கள்: தகுதிபெற்ற 1,30,767 மாணவர்கள் மற்றும் 1,05,246 மாணவிகள் என மொத்தம் 2,36,017 பேருக்கு தரவரிசை வெளியாகியிருக்கிறது.
முழு கட்-ஆஃப் (200/200): இந்த ஆண்டு தரவரிசைப் பட்டியலில் 53 மாணவர்கள் 200க்கு 200 கட்-ஆஃப் மதிப்பெண்கள் பெற்று சாதனை படைத்துள்ளனர்.
முதலிடம் பிடித்த சாதனையாளர்கள்:
முதலிடம்:
தருமபுரி மாவட்டத்தைச் சேர்ந்த மாணவி அக்ஷிதா பொதுப்பிரிவில் மாநில அளவில் முதலிடம் பிடித்துள்ளார்.
இரண்டாமிடம்: திருப்பூர் மாவட்டத்தைச் சேர்ந்த மாணவி ரோகித் பாலன்.
மூன்றாமிடம்: நாமக்கல் மாவட்டத்தைச் சேர்ந்த மாணவன் வெங்கட கிருஷ்ணன்.
நான்காமிடம்: அரியலூர் மாவட்டத்தைச் சேர்ந்த மாணவி ரக்ஷிதா.
தரவரிசைப் பட்டியலை சரிபார்ப்பது எப்படி?
பொறியியல் கலந்தாய்வு தரவரிசைப் பட்டியலை மாணவர்கள் தங்களின் லாகின் விவரங்களைப் பயன்படுத்தி கீழே உள்ள அதிகாரப்பூர்வ இணையதளத்தில் தெரிந்து கொள்ளலாம்:
அதிகாரப்பூர்வ இணையதளம்: www.tneaonline.org
குறைதீர்ப்பு காலம் மற்றும் கலந்தாய்வு (TNEA Counselling):
இன்று வெளியான தரவரிசைப் பட்டியலில் ஏதேனும் குறைகள் அல்லது பிழைகள் இருந்தால், அவற்றைச் சரிசெய்வதற்கான குறைதீர்ப்பு கால அவகாசம் ஜூலை 1 முதல் ஜூலை 5 வரை வழங்கப்பட்டுள்ளது.
மாணவர்கள் தங்களுக்கு அருகிலுள்ள தமிழ்நாடு பொறியியல் மாணவர் சேர்க்கை சேவை மையங்களை (TFC Centres) அணுகி இதற்குரிய தீர்வுகளைக் காணலாம். மேலும், பொறியியல் சேர்க்கைக்கான விரிவான கலந்தாய்வு (Counselling) தேதிகளும் இன்று அறிவிக்கப்பட உள்ளன.
தேனி மாவட்ட மாணவர்களுக்கான குறிப்பு: உங்கள் கட்-ஆஃப் மதிப்பெண் மற்றும் ரேங்க் விவரங்களைச் சரிபார்த்து, ஆன்லைன் சாய்ஸ் ஃபில்லிங் (Choice Filling) செய்வதற்குத் தயாராக இருக்குமாறு தேனி கைடு சார்பாக வாழ்த்துகிறோம்!
