தேனி மாவட்டத்திற்கு 'ஆரஞ்சு எச்சரிக்கை': கனமழை மற்றும் வெள்ள அபாய முன்னெச்சரிக்கை – முழு விபரம்!

 தேனி மாவட்டத்திற்கு 'ஆரஞ்சு எச்சரிக்கை': கனமழை மற்றும் வெள்ள அபாய முன்னெச்சரிக்கை – முழு விபரம்!

தேனி மாவட்டத்தில் கடந்த 15.10.2026 முதல் வடகிழக்கு பருவமழை தொடங்கி தீவிரமடைந்துள்ளது. இதனிடையே, இந்திய வானிலை ஆய்வு மையம் (IMD) தேனி மாவட்டத்திற்கு 16.10.2026 மற்றும் 17.10.2026 ஆகிய இரு நாட்களில் மிக கனமழை பெய்யக்கூடும் என 'ஆரஞ்சு எச்சரிக்கை' விடுத்துள்ளது. 

மாவட்டத்தில் உள்ள அனைத்து வட்டங்களிலும் கண்மாய், குளங்கள் மற்றும் ஊரணிகள் நீர் நிரம்பி வழியும் சூழல் நிலவுவதால், அவசர கால மீட்புப் பணிகளை மேற்கொள்ள அனைத்துத் துறைகளுக்கும் மாவட்ட நிர்வாகம் உத்தரவிட்டுள்ளது

பொதுமக்களுக்கான முக்கியப் பாதுகாப்பு அறிவுறுத்தல்கள்

​மாவட்ட நிர்வாகம் மற்றும் பேரிடர் மேலாண்மைத் துறை பொதுமக்களுக்குக் பின்வரும் பாதுகாப்பு வழிமுறைகளை வழங்கியுள்ளது:

ஆற்றங்கரைப் பகுதிகள்:

முல்லை பெரியாறு, கொட்டக்குடி ஆறு, வரகநதி ஆறு மற்றும் வைகை ஆறுகளில் திடீர் வெள்ளப்பெருக்கு ஏற்பட வாய்ப்புள்ளது. எனவே, பொதுமக்கள் மற்றும் சிறுவர்கள் ஆற்றுப் பகுதிகளில் விளையாடவோ அல்லது குளிக்கவோ செல்ல வேண்டாம்.

கால்நடைகள் பாதுகாப்பு:

வெள்ளப்பெருக்கு ஏற்படுவதற்கு முன்னதாகவே கால்நடைகளைப் பாதுகாப்பான உயர்வான இடங்களுக்குக் கொண்டு செல்ல வேண்டும்.

நீர்வீழ்ச்சிகளுக்குச் செல்லத் தடை:

கனமழை காரணமாக நீர்வீழ்ச்சிகளில் திடீர் வெள்ளப்பெருக்கு ஏற்பட வாய்ப்புள்ளதால், சுற்றுலாப் பயணிகள் மற்றும் பொதுமக்கள் நீர்வீழ்ச்சிகளுக்குச் செல்வதைத் தவிர்க்க வேண்டும்.

வடிகால் பராமரிப்பு:

குடியிருப்புப் பகுதிகளில் உள்ள மழைநீர் வடிகால்களில் குப்பைகளைக் கொட்ட வேண்டாம் என அறிவுறுத்தப்பட்டுள்ளது

மாவட்ட நிர்வாகத்தின் முன்னெச்சரிக்கை நடவடிக்கைகள்

வெள்ளத்தால் பாதிக்கப்படக்கூடிய மிக முக்கியமான 43 பகுதிகள் (Vulnerable Areas) கண்டறியப்பட்டு, சிறப்பு கண்காணிப்பு அலுவலர்கள் மூலம் தீவிரமாகக் கண்காணிக்கப்பட்டு வருகின்றன

பாதுகாப்பு முகாம்கள்:

அவசர காலங்களில் மக்களைப் பாதுகாப்பாகத் தங்க வைக்க அனைத்து அடிப்படை வசதிகளுடன் கூடிய 65 நிவாரண மையங்கள் தயார் நிலையில் வைக்கப்பட்டுள்ளன.

அணைத் திறப்பு எச்சரிக்கை:

அணைகளில் இருந்து உபரி நீர் திறக்கப்படும் பட்சத்தில், தாழ்வான பகுதிகளில் வாழும் மக்களுக்கு உடனடியாகத் தகவல் தெரிவித்து, அவர்களைப் பாதுகாப்பான இடங்களுக்கு அழைத்துச் செல்லத் தகவல் தொடர்பு வசதிகள் செய்யப்பட்டுள்ளன 

தேனி மாவட்ட பேரிடர் கட்டுப்பாட்டு அறை & அவசர உதவி எண்கள்

​வெள்ளப் பாதிப்புகள் மற்றும் அவசர உதவிக்கு பொதுமக்கள் 24 மணி நேரமும் இயங்கும் மாவட்ட பேரிடர் மேலாண்மை கட்டுப்பாட்டு அறையைத் தொடர்பு கொள்ளலாம்.

கட்டணமில்லா தொலைபேசி எண் (Toll-Free No): 1077 

 மாவட்டக் கட்டுப்பாட்டு அறை எண்: 04546-261093 

குறிப்பு: மாவட்ட ஆட்சித்தலைவர் திரு. வ. சிவசுப்பிரமூர்த்தி, இ.ஆ.ப. அவர்கள் பொதுமக்கள் அனைவரும் தேவையான முன்னெச்சரிக்கையுடன் இருக்குமாறும், அவசர காலங்களில் உடனடியாகக் கட்டுப்பாட்டு அறையைத் தொடர்பு கொள்ளுமாறும் கேட்டுக்கொண்டுள்ளார்.