தேனி ஆட்சியர் திடீர் ஆய்வு: கம்பம், உத்தமபாளையத்தில் 'தாயுமானவர் திட்டம்' மற்றும் அரசுப் பணிகள் நேரடி பரிசீலனை!

தேனி ஆட்சியர் திடீர் ஆய்வு: கம்பம், உத்தமபாளையத்தில் 'தாயுமானவர் திட்டம்' மற்றும் அரசுப் பணிகள் நேரடி பரிசீலனை!

தேனி மாவட்டம், உத்தமபாளையம் வட்டம் மற்றும் கம்பம் நகராட்சிக்கு உட்பட்ட பகுதிகளில் செயல்படுத்தப்பட்டு வரும் பல்வேறு அரசு நலத்திட்டப் பணிகள் மற்றும் வளர்ச்சித் திட்டங்களை மாவட்ட ஆட்சியர் மரு.இரா.வைத்திநாதன், இ.ஆ.ப. அவர்கள் நேரில் சென்று தீவிர ஆய்வு மேற்கொண்டார்.

​1. தாயுமானவர் திட்டம்: வீட்டிற்கே சென்று ரேஷன் பொருட்கள்

​கம்பம் டி.டி.குளம் தெருவில், தமிழக அரசின் 'தாயுமானவர் திட்டத்தின்' கீழ் முதியோர்கள் மற்றும் மாற்றுத்திறனாளிகளின் இல்லங்களுக்கே நேரில் சென்று அரிசி, பருப்பு, சர்க்கரை உள்ளிட்ட அத்தியாவசியப் பொருட்கள் சரியான முறையில் வழங்கப்படுகிறதா என்பதை ஆட்சியர் பயன்பாட்டாளர்களிடம் கேட்டறிந்து ஆய்வு செய்தார்.

​2. கூட்டுறவுக் கடன் சங்கத்தில் கடன் விவரங்கள் ஆய்வு

​இதனைத் தொடர்ந்து, கம்பம் தொடக்க வேளாண்மை கூட்டுறவுக் கடன் சங்கத்தில் ஆட்சியர் ஆய்வு மேற்கொண்டார். இதில்

​விவசாயக் கடன் & நகைக் கடன்

​கால்நடை பராமரிப்புக் கடன்

நிரந்தர வைப்புத் தொகை விவரங்கள்

வங்கியில் வைக்கப்படும் நகைகளின் எடைக்கு ஏற்றவாறு கடன் வழங்கப்பட்டுள்ளதா?

என்பது குறித்து வங்கிப் பதிவேடுகளைச் சரிபார்த்து அதிகாரிகளுடன் ஆலோசித்தார்.

காவல் நிலைய நடவடிக்கை & சாலை மரக்கன்றுகள் பராமரிப்பு

காவல் நிலைய ஆய்வு: 

கம்பம் வடக்கு காவல் நிலையத்தின் செயல்பாடுகளை நேரில் பார்வையிட்டு, அங்கு பராமரிக்கப்பட்டு வரும் பல்வேறு வழக்கின் பதிவேடுகளை ஆய்வு செய்தார்.

மரக்கன்றுகள் நடும் பணி:

 உத்தமபாளையம் முதல் சுருளிப்பட்டி நெடுஞ்சாலையில் (நாராயணதேவன்பட்டி - சுருளிப்பட்டி வரை) மகாத்மா காந்தி தேசிய ஊரக வேலை உறுதித் திட்டத்தின் கீழ் வீதியின் இருபுறமும் நடப்பட்டுள்ள மரக்கன்றுகளின் பராமரிப்புப் பணிகளை ஆய்வு செய்தார்.

4. அங்கன்வாடி மையத்தில் குழந்தைகள் நலம் மற்றும் மதிய உணவு ஆய்வு

காமயகவுண்டன்பட்டி பேரூராட்சியில் உள்ள ஊராட்சி ஒன்றிய நடுநிலைப்பள்ளி வளாகத்தில் இயங்கி வரும் அங்கன்வாடி மையத்திற்கு ஆட்சியர் நேரில் சென்று ஆய்வு செய்தார்:

மையத்திலுள்ள குழந்தைகளின் உடல் ஆரோக்கியம் மற்றும் எடையை ஆய்வு செய்தார்.

​மாதந்தோறும் குழந்தைகளின் எடையைச் சரிபார்த்து தேவையான சத்துணவு வழங்கவும், தாய்மார்களுக்கு உரிய விழிப்புணர்வை ஏற்படுத்தவும் பணியாளர்களுக்கு அறிவுறுத்தினார்.

மேலும், அப்பள்ளியில் மாணவர்களுக்கு வழங்கப்படும் மதிய உணவின் தரத்தையும் நேரில் ஆய்வு செய்தார்.

ஆய்வில் பங்கேற்ற அதிகாரிகள்:

​இந்த ஆய்வின் போது, இணைப்பதிவாளர் (கூட்டுறவுத்துறை) திருமதி நர்மதா, உத்தமபாளையம் வருவாய் கோட்டாட்சியர் திரு. சையது முகைதீன் இப்ராஹிம், உத்தமபாளையம் வட்டாட்சியர் திரு. பாலசண்முகம், பணிமேற்பார்வையாளர் திரு. பிரதாப் சந்திரன் உட்பட அரசு அலுவலர்கள் பலர் உடனிருந்தனர்.